Shu kunlarda O‘zbekistonga yana iliq harorat qaytmoqda. Kunduz kuni quyoshning zarrin nurlari inson kayfiyatini ko‘tarib, dillarni quvonchga to‘ldirmoqda. Ertaga, 10 oktabr kuni kutilayotgan ob-havo ma’lumotini e’tiboringizga havola etamiz.

Ertaga Toshkent shahrida havo o‘zgarib turadi, biroz bulutli bo‘ladi. Harorat kunduzi 25–27 daraja, kechasi 8–10 daraja iliq bo‘ladi.

Qoraqalpog‘iston Respublikasi va Xorazm viloyati, shuningdek, Farg‘ona vodiysida ertaga havo o‘zgaruvchan bo‘ladi. Harorat kunduzi 20–25 daraja, kechasi 5–10 daraja iliq bo‘lishi kutilmoqda.

Buxoro va Navoiy viloyatlarida harorat kunduzi 28 darajagacha ko‘tariladi. Kechasi 7–12 daraja iliq bo‘lishi kutilmoqda.

Samarqand, Jizzax va Sirdaryo viloyatlarida ertaga havo biroz bulutli bo‘ladi. Harorat kunduzi 22–27 daraja, kechasi 7–12 daraja iliq bo‘ladi.

Eng yuqori harorat O‘zbekistonning janubida kuzatiladi. Qashqadaryo va Surxondaryo viloyatlarida ertaga havo harorati kunduzi 25–30 daraja issiq, kechasi 8–13 daraja iliq bo‘ladi.

Durdona Rasulova