Davlat statistika qo‘mitasi xabariga ko‘ra, 2018-yilning yanvar—sentabr oylarida O‘zbekistonda 112,6 mingta o‘lim qayd etilgan, deb yozadi O‘zA.

Mos ravishda ming nafar aholiga nisbatan o‘lim koeffitsiyenti 4,6 promilleni tashkil etdi, 2017-yilning mos davriga nisbatan 0,2 promillega kamaydi (2017-yilning yanvar—sentabr oylarida 4,8 promille bo‘lgan).

2018-yilning yanvar—sentabr oylarida qayd etilgan:

60,7 foizi - qon aylanish tizimi kasalliklaridan,

9,5 foizi - o‘simtalardan,

6,3 foizi - baxtsiz hodisa, zaharlanish va jarohatlanishlardan,

5,5 foizi - ovqat hazm qilish a’zolari kasalliklaridan,

4,1 foizi - nafas olish a’zolari kasalliklaridan,

1,5 foizi - yuqumli va parazitar kasalliklardan,

12,4 foizi - boshqa kasalliklardan vafot etgan.

Ro‘yxatga olingan 1 yoshgacha vafot etgan bolalar soni 5,6 ming nafarni tashkil etadi. Ular:

60,8 foizi - perinatal davrda yuzaga keladigan holatlardan,

16,6 foizi - nafas olish a’zolari kasalliklaridan,

11,7 foizi - tug‘ma anomaliyalardan,

2,2 foizi - baxtsiz hodisa, zaharlanish va jarohatlanishlardan,

2,2 foizi - yuqumli va parazitar kasalliklardan,

0,8 foizi - ovqat hazm qilish a’zolari kasalliklaridan,

5,7 foizi - boshqa kasalliklardan vafot etgan.