2020/2021 o'quv yilidan bakalavriatda qaysi yo'nalishlar uch yillik bo'lishi ma'lum qilindi
Prezident Shavkat Mirziyoyevning Oliy Majlisga yo'llagan murojaatidan kelib chiqadigan vazifalarga bag'ishlangan Xalqaro press-klubning navbatdagi sessiyasi Tashkent City xalqaro biznes markazidagi Kongress xollda bo'lib o'tdi.
Tadbirda Oliy va o'rta maxsus ta'lim vaziri Inomjon Majidov hamda vazirlik vakillari ishtirok etdi.
Inomjon Majidovning aytishicha, 2020/2021 o'quv yilidan boshlab bakalavriat ta'lim dasturlari asosida amalga oshiriladigan pedagogik ta'lim sohasining ta'lim yo'nalishlarida kadrlar tayyorlash o'qish muddati uch yil bo'ladi:
– Musiqa ta'limi;
– Jismoniy madaniyat;
– Texnologik ta'lim;
– Chaqiriqqacha harbiy ta'lim;
– Tasviriy san'at va muhandislik grafikasi;
– Maktabgacha va boshlang'ich ta'limda jismoniy tarbiya va sport.