22 yoshli gongkonglik qiz 5 yil davomida 30 dan ortiq plastik operatsiyalarni boshidan kechirdi. Bunga esa o‘zi ko‘ngil qo‘ygan yigitning tanqidlari sabab bo‘lgan.

Berri ilk plastik operatsiyani 17 yoshligida o‘tkazgan. U sevgilisining talabi bilan gollivudning mashhur modellariga o‘xshashni istagan. Ayni paytda Berri bu harakatidan afsuslanmoqda.

Berrining aytishicha, go‘zallik salonlaridan birida jarrohlik uchun aksiya haqidagi e’lonni ko‘rib qolganida, plastik xirurgiyaga qiziqishi boshlangan. E’londa 3 ta ineksiya uchun 102 dollar taklif etilgan edi. Berri kosmetologga uchrashgach, mutaxassis unga 2000 dollarga teng aksiyani tanlashni taklif qilgan.

Avvaliga natijadan xursand bo‘lgan Berri keyinchalik afsuslangan. 3 yildan so‘ng Berri o‘zidan 9 yosh katta bo‘lgan yigit bilan uchrashishni boshlaydi. Ammo yigit uning tashqi qiyofasini tez-tez tanqid qilib keladi. Natijada Berri 6 oy ichida blefaroplastika va rinoplastika jarrohlik operatsiyalarini o‘tkazadi. Lab, yonoq, iyak va peshona qismiga ham o‘zgartirishlar kiritadi.

Plastik operatsiyalarni ketma-ket boshdan kechirgan Berrining onasi uni avval go‘zal bo‘lganligini, keyingi vaqtlarda esa tobora hayratga tushayotganligini va hozir oddiy qizlar kabi ko‘rinishga egaligini bir necha marta takrorlagan.

Berri operatsiyalardan so‘ng salomatligini tiklash chog‘ida yigit bilan munosabatlarga chek qo‘ydi va plastik jarrohlik operatsiyalariga muhtojlikdan ham xalos bo‘ldi.

Ayni vaqtda Berri o‘zi kabi holatga tushib qolgan qizlarga ko‘mak berish va plastik jarrohlikka qarshi kurash harakatlarini olib bormoqda. U o‘zining ijtimoiy tarmoqdagi sahifasiga joylagan videosida avvalgi ko‘rinishini qaytarishni istashi haqida aytib o‘tgan.

Avvalroq, mashhur aktrisa Anjelina Jolinining Eronlik 19 yoshli muxlisasi o‘z kumiriga o‘xshash qiyofaga ega bo‘lishi uchun 50 martadan ko‘proq plastik jarrohlik amaliyoti o‘tkazgani haqida xabar bergan edik.

Durdona Rasulova