24 dekabr Ertaga O‘zbekistonda havo harorati isishi kutilmoqda
Qishning chillasi yaqinlashgani sari harorat pasayib, sovuq havo kuzatilishi o‘rniga quyosh charaqlab, iliq ob-havo hukmronlik qiladi. Ertaga respublikamizning ayrim hududlarida havo harorati +22 darajagacha ko‘tariladi.
Gidrometeorologiya xizmati markazining ertaga, 24 dekabr kuni kutilayotgan ob-havo ma’lumotlari bilan tanishing.
Toshkent shahrida havo harorati kunduzi +12...+17 daraja issiq, kechasi +3…+5 daraja iliq bo‘ladi.
Qoraqalpog‘iston Respublikasi va Xorazm viloyatida harorat kunduzi +4...+9 daraja iliq, kechasi -5…0 daraja bo‘ladi. Yomg‘ir va qor yog‘ishi mumkin.
Buxoro va Navoiy viloyatlarida harorat kunduzi +4…+9 daraja iliq, kechasi -7…-2 darajagacha sovuq bo‘ladi.
Samarqand, Jizzax va Sirdaryo viloyatlarida kunduzi harorat +12…+17 daraja, kechasi +2…+7 daraja iliq bo‘ladi.
Qashqadaryo va Surxondaryo viloyatlarida harorat kunduzi +17…+22 daraja, kechasi esa +8…+13 darajagacha iliq bo‘ladi.
Farg‘ona vodiysida harorat kunduzi +8…+13 darajagacha iliq, kechasi harorat -4…+1 daraja atrofida bo‘ladi.
Qamchiq dovoni hamda Chimyon tog‘larida ham havo bulutli bo‘ladi. Harorat kunduzi +4…+9 daraja iliq, kechasi −3…+2 daraja bo‘lishi kutilmoqda.