80-Yillarning Xit Qo‘shig‘i Yangicha Yo‘nalishda Yangradi
Ўзбек шоу-бизнесига янгича йўналишда кириб келган Жасур Ғоипов қисқа вақт ичида бир неча янги қўшиқлар тайёлади. Уларни эса кетма-кет тақдим этиб келмоқда. Ана шундай янги тароналардан бири “Ўзбегим Таронаси” радиосида премьера қилинди.
“Гули” номини олган қўшиқ аслида бундан бир неча ўн йиллар аввал афсонавий Даврон Ғоипов томонидан куйланган ва ўтган асрнинг 80-йилларидаёқ хит даражасига кўтарилишга улгурган.
Қўшиқнинг матни-ю мусиқаси ҳам айнан Даврон Ғоиповга тегишли. Жасур Ғоипов эса бу таронани қайта куйлади ва мухлисларга тақдим этди.
Янгича йўналишда янграган қўшиқнинг аранжировкасини N’Zero тахаллуси билан ижод қилувчи Фазлиддин Хожиниёзов тайёрлаган.
Тарона ФМ 101.00 тўлқини узра илк марта жаранг сочганидан сўнг, мухлислар қўшиққа аъло баҳо беришди. 80-йиллар хит қўшиғини тинглаш барчага манзур келганини айтишди.
Ҳақиқаттан ҳам, Жасур Ғоиповлар сулоласи учун ижодни давом эттирувчи муносиб вакил бўла олишини исботлади.
80-Yillarning Xit Qo‘shig‘i Yangicha Yo‘nalishda Yangradi 
