8 mart sovg`asidan norozi bo`lgan o`qituvchi ishdan bo`shadi
Sochi shahar maktablaridan birida o`quvchilarining 8 mart bayramiga besh ming rubl sovg`a berganidan norozi bo`lib, ota-onalarga SMS yozgan sinf rahbari ishdan bo`shadi, deb xabar berdi “Tjournal.ru” nashri.
Sochi shahar kengashiga qarashli maorif, fan va madaniyat qo`mitasi raisi Vladimir Davidovning ma`lumot berishicha, o`qituvchi ayol xizmat tekshiruvi tugashini kutmay, ishdan bo`shagan. U janjal ko`tarilgandan keyin vaqtinchalik vazifasidan ozod etilgan edi.
O`qituvchi ayol 7 mart kuni o`quvchilaridan olgan sovg`asidan norozi bo`lib, ularning ota-onasiga sinf rahbarligidan bo`shash bilan tahdid qilib, SMS xabar jo`natgan. Avvaliga ko`pchilik bu xabarni o`qituvchi ayol yozganiga shubhalandi, ammo u “Komsomolskaya pravda” nashriga bergan intervyusida SMS xabarlarni jahl ustida o`zi yozganligini tan oldi.
Keyinroq Life nashri ishdan bo`shagan o`qituvchini ota-onalar himoya qilgani, uning yaxshi pedagog ekanligi, o`sha kuni bolalar sinfda to`polon qilib, xayfsan olgani uchun jahl ustida SMS yozgani haqida xabar berdi.
8 mart sovg`asidan norozi bo`lgan o`qituvchi ishdan bo`shadi 
