Меню
Поиск
Фотоалбом
Сундтреки
. Qo'rqmas - soundtreck 3
. Taqdir O'yini-Va Bank
. Oppog'oy Zamonaviy talqinda-Белоснежка.2012 (soundtreck)
. Shamollar Mamlakati - soundtreck (korea)
. Qalbim Chechagi-soundtreck3
. Gulperi - Soundtreck music (Turk serial)
. Ko'ngil bog'i-soundtreck [feat Girl]
. Ko'sem - Beautiful (Turk serial)
. Qirolicha - Soundtreck (Bidam Love)
. Osiyo-Asi [soundtreck]
. Yoz Ifori - Soundtreck
. Pazanda - Did You Forget (Soundtrack)
. Yoz Ifori-Soundtreck
. Sevgi iztirobi - Soundtreck (Turk serial)
. Muxabbat va Extiros - soundtreck (Offical)
Главная » Файлы » SEVGI DUNYOSI

Ahloqsiz oilaga kelin bo'lganman


— Oxirgi kunlar juda asabiy bo'lib qolganman. O'z uyimda begonadek yashash jonimga tegdi. Turmushimning birinchi oyidan boshlab, meni bu uyda hech kim xushlamadi. Qiz bolaning borgan joyida tinib-tinchib ketishi juda qiyin masala ekan. Olti yildan buyon mana shu uydan ketishni istayman…

Qizlik davrimda juda erka edim. Dadam meni yeru ko'kka ishonmas, oyim ham hamma masalada ko'nglimga qarardi. Ammo o'zbek oilalarida qiz farzand qanchalik erka bo'lmasin, ota-onalar chidab yashash haqida gap aytishdan boshqasini bilishmaydi. Chidadim, hali ham chidayapman. Bilmadim, yana qanchaga yetar ekan sabrim…

Erim bilan munosabatlarimiz yomon emas. Agar alohida yashaganimizda, balki, juda yaxshi ham bo'lardi. Biroq bizning alohida yashashimiz shunchaki orzu. Bir uyda to'rt kelin yashaymiz. To'rtala kelin ham bir-birini ko'rgani ko'zi, otgani o'qi yo'q. O'rtamizdagi munosabat nihoyatda sovuq. Turmushimning ilk yillarida qanday oilaga tushib qolganimni bilib, rosa yig'laganman. Har kunim yig'lash bilan o'tar, uydagi janjallardan sarosimaga tushib qolgandim. Kunora ichib keladigan qaynotam, o'g'illariga gapi o'tmaydigan, lekin kelinlarini har ko'yga solishni sevadigan qaynonam, har janjalda soch yulishib urishadigan ovsinlarim… Dastlabki kunlar hammasi risoladagiday edi. Men barcha yangi kelinlar singari erta tongda turib, uy ishlariga o'zimni urardim va bundan maroqlanardim ham. Qosh chimirib, boshdan-oyoq meni kuzatadigan ovsinlarimga ahamiyat bermaslikka urinardim. Ammo ularning soxta tinch hayoti uzoqqa cho'zilmadi. Bir hafta o'tar-o'tmas uyimizda katta janjal bo'ldi. Ikki ovsinim ko'z oldimda bir-birini shu qadar ayovsiz kaltakladiki! Bir qo'limda kapgir bilan qotib qolgan joyimda katta ovsinimning turtishidan o'zimga kelgandim.

— Anqayib turmasdan ajratsangiz-chi! — dedi u va o'zini ularning ustiga otdi.

Ovsinlarimning bir-biriga aytayotgan haqoratlari, uyatsiz gaplarini qog'ozga tushirishga uyalaman. O'sha kundan buyon turli yomon so'zlarni eshitib, yuragimni oldirib qo'yganman. Ovsinlarimga qattiq gapirishga umuman haddim sig'mas, bu janjallarga qo'shilib qolganimdan so'ng kechasi bilan qo'rquvda yotardim. Qo'rquvimning sababi esa katta ovsinimning mendan avvalgisiga kerosin sepishga uringani edi.

— Buncha vahima qilasan? — derdi oilasidagi vaziyatga o'rganib ketgan erim beparvogina. — Biz urishganimiz bilan bir-birimizni o'ldirmaymiz!

Mana, olti yildirki, xonadonimizda shu ahvol. Ovsinlarim bilan ro'zg'orimiz alohida, ehtimol, shuning uchun uyimizda baraka yo'q. Kunora janjal ko'tarilmasa, bu uydagilarning qorni to'ymaydi. Mana shunday notinch xonadonga kelin bo'lib tushganimga yuragim siqiladi. Eng yomoni, farzandlarim mana shu muhitda ulg'ayishmoqda. Men tinch oilada katta bo'lganim uchunmi, bu uydagi urish-janjallarga hech ko'nika olmayapman. Doim yuragimni hovuchlab yashash, piyonista qaynotamning fe'l-atvoriga chidash, ayollarning oxiri yo'q janjallari… Bizning oilada hatto qaynonam ham janjallar orasida kelinlarining kaltaklariga uchrab qolishi mumkin. Ba'zan qo'shnilardan juda uyalib ketaman. Ammo ovsinlarim hech uyalishmaydi, hech nima bo'lmaganday yuraverishadi. Nima qilishga, qanday yo'l tutib vaziyatni o'nglashga hayronman.

O'zim ham so'nggi paytlar mana shu axloqsiz odamlarga o'xshab qolayotganimni sezyapman. Janjallarda mening ham ovozim eshitiladigan bo'ldi. Tunov kuni mendan avvalgi ovsinim yuzimga tarsaki tortib yuborganida, o'zimni tutib turolmay men ham uning sochiga yopishdim. Avvallari esa erimga aytar, diydiyo qilib yig'lardim. Bundan ko'rinib turibdiki, ikki-uch yilda bu insonlardan hech farqim qolmaydi. O'zimni, ichki dunyomni, oilamni himoya qilish uchun nima qilishim kerak? Menga o'xshab mana shunday nosog'lom muhitda yashagan kelinlar qanday qilib bu kabi g'avg'olardan qutulgansiz? Axir erimning oila a'zolari deb turmushimni buza olmayman-ku. Menga maslahat bering, nima qilsam, qaynonamni alohida ajralib chiqishga, o'z oilamni saqlashga erishaman?!



Manba:Hordiq.uz

Eslatib o‘tamiz, xar yakshanba muxlislar kuni bo‘lib, o‘z muammo yoki ko‘ngil kechinmalari bilan bo‘lishib, keng omma bilan xal qilishga imkoniyatingiz bor.
tarona.net@bk.ru pochtasiga voqea yoki muammoingizni yozib yuborishingiz yoki @TaronaSupportBot manziliga telegramdan voqeangizni yuborishingiz mumkin.
Bunda sizni telefon raqamingiz ko‘rinmasligi va sizni voqeangiz anonim tarzda chop etilishiga kafolat!
Diqqat! Saytga chop etilib bo‘lingan maktub keyin talabga binoan olib tashlanilmaydi!
Voqeangiz sayt orqali keng ommaga chiqishi va xalqdan turli maslaxatlar bo‘lishini bilib turib jo‘natdingizmi, o‘zingiz kutmagan va yoqtirmagan maslaxatni olib keyin olib tashlang deyish mantiqsiz!
Категория: SEVGI DUNYOSI
Просмотров: 12024 | Рейтинг: 0| Рейтинг: Ahloqsiz, oila, kelin bo'lganman
Mavzuga Oid Boshqa Yangiliklar:
Реклама

Всего комментариев: 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 06:32
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное