AI-95 benzini sotuvga chiqarildi: yoqilg‘i narxi ham ma’lum bo‘ldi
O‘zbekiston yoqilg‘i quyish shahobchalarida AI-95 benzini paydo bo‘ldi. Bu haqda ijtimoiy tarmoq foydalanuvchilari «O‘zbekneftegaz» yoqilg‘i quyish shahobchalarining aksariyatida 7 dekabrdan e’tiboran AI-95 avtomobil yonilg‘isi sotuvda paydo bo‘lgani haqidama’lum qilgan.
AI-95 rusumidagi avtomobil yonilg‘isining 1 litr bahosi 6500 so‘mdan sotilmoqda. Eslatib o‘tamiz, Repost avvalgi yangiliklarida mazkur rusumdagi yonilg‘ini kelgusi yilning boshidan e’tiboran sotuvga chiqarilishi haqida xabar bergan edi. Biroq, uning narxi noma’lumligicha qolgan edi. Bugungi kunda ushbu rusumdagi benzin eng yuqori sifatdagi benzin hisoblanadi. Shu bilan birga, u bilan birga sotuvda quyidagi rusumdagi benzin ham mavjud:
AI-80 – 3800 so‘m;
AI-91 – 4300 so‘m.
Feysbuk foydalanuvchilarining xabar berishicha, mazkur rusumdagi benzin Salar bo‘yi ko‘chasidagi yoqilg‘i quyish shahobchasida sotilmoqda.