|
|
 "Akfa media" энди хечукимча продюсерлик қилмайди!!!
|
| 
Шоу бизнесимиз кундан-кунга ривож топиб, янги овозлар,
чеҳралар кўпайиб бораётгани кўпчиликка аён. Бу ривожланиш хонандалар ҳамда
уларнинг продюсерлари ўртасида кучли
рақобатни келтириб чиқариши турган гап. Бундан бир неча йил аввал продюсерлик
фаолияти якка тартибда олиб борилган бўлса, кейинчалик компаниялар тузила
бошланди. "Tarona records”, "Panterra
studio”, "New star media”, "Akfa-media” каби продюсерлик марказлари шулар
жумласидан бўлиб, улар шоу бизнес оламида ўз мавқеларига эришишга улгуришди. Хусусан, "Akfa-media” продюсерлик
маркази билан ҳамкорлик қилишни истаган хонандалар, компания томонидан
ўтказиладиган танловларда иштирок этиб ғолиб бўлгач, улар билан маълум бир
муддатга шартнома тузилар, сўнг қўшиқ ёзилиши, клиплар суратга олиш, кинофильмларда
суратга тушишда кўмаклашилар эди. Ҳар бир хонандага ойлик маош ҳам белгиланарди. Концерт, тўй-ҳашам, тадбирлардан
тушган маблағ хонандаларнинг келгуси ижоди учун сарфланарди.Айни дамда компаниянинг продюсерлик фаолияти нима сабабдан
тўхтатилганлиги ва хонандаларнинг келгусидаги ижодлари қандай кечиши билан
боғлиқ саволлар бисёр. Мазкур саволлар билан "Akfa-media” раҳбарияти ҳамда
продюсерлик марказининг собиқ хонандаларига мурожаат қилдик. Абдураҳмон Позилжонов, "Akfa-media”
компаниясининг бош директори: — Компаниямиз шу даврга қадар кўплаб
хонандаларга ўз фаолиятини бошлашга кўмак бериб, сўнг уларни мустақил ҳаётга
учирма қилишидан кўпчилик хабардор. Компаниямиз бугунги кунга келиб фақатгина
продюсерлик фаолиятини тугатди, холос. Унинг фильм ва клипларни
суратга олиш, уларни монтаж қилиш каби бир қатор фаолият турларини олиб бораверади. — Продюсерлик маркази
фаолиятининг тугатилишини иқтисодий танқислик билан боғлаганлар
ҳам йўқ эмас. Продюсерлик фаолиятини тўхтатганимиз иқтисодга бориб
тақалмайди. Балки келгусида продюсерлик маркази яна тикланар, бироқ бу қачон
рўй беришини аниқ айтолмаймиз. Хонандаларимизга келсак, уларга янги ижод учун
оқ фотиҳа бердик.
|
|
|
|
Категория: SHOU-BIZNES HABARLARI |
| Просмотров: 2439
| Рейтинг: 1| Рейтинг: |
Mavzuga Oid Boshqa Yangiliklar:
|
|
| Профил |
Время: 05:19
Добро Пожаловать, Mexmon
|
|
| Самое Популярное |
| Самое Популярное
|
|
|
Qish Sanatasi - Soundtreck
