Portugaliyalik hujumchi Krishtianu Ronaldu “Al-Nasr”ni tark etib, Yevropa Chempionlar ligasida o‘ynash ehtimoli bor bo‘lgan klubga o‘tishi mumkin. Bu haqda “Marca” nashri xabar berdi.

Manba bergan xabarga ko‘ra, 37 yoshli hujumchining Saudiya klubi bilan shartnomasida u Angliyaning “Nyukasl” klubiga ijara asosida o‘tishi mumkin degan band bor. Ushbu transfer “magpiylar” joriy mavsum yakunida Yevropa Chempionlar ligasiga yo‘l olsa sodir bo‘ladi. Premer-liga klubi Saudiya Arabistoni investitsiya fondiga tegishli.

Ma’lumot uchun, Ronaldu 31 dekabr kuni “Al-Nasr” bilan ikki yarim yillik shartnoma imzoladi.