Arnold Shvarseneggerga “Terminator-4” ma’qul kelmadi
Mashhur aktyor Arnold Shvarsenegger “Terminator” kinofranshizasining to‘rtinchi qismida suratga tushmaganidan afsuslanmaydi.
Good Morning America ko‘rsatuvidagi intervyusida aktyor “Unda suratga tushmaganim uchun Xudoga shukur qilaman. Bu bo‘lmag‘ur kino” deb aytgan.
Ayni paytda, Shvarsenegger o‘zi suratga tushgan dastlabki uch qismni yaxshi ko‘rishini ta’kidlagan: “Bu filmlarlardan har birining o‘z yuzi va qiziqarli syujeti bor”.
Kinofranshizaning “Terminator-4: Qutqaruvchi kelajak” nomli to‘rtinchi filmi 2009 yilda muxlislarga taqdim etilgan bo‘lib, unda Kristian Beyl bosh rolni ijro etgan. Shu yilning iyulida katta ekranlarga chiqishi kutilayotgan beshinchi film – “Terminator: Genezis”ga yana Shvarsenegger jalb qilingan.