"Соғлом бола йили" муносабати билан кўпгина ижодкорлар айнан шу мавзуда ижод маҳсулларини муҳлисларга тақдим этяптилар. Улар қаторида  Азиз Ражабий ҳам янги таронасини ҳозирлади. 

"Соғлом бола” деб номланган қўшиқ Наврўз байрами арафасида  тингловчилар эътиборига ҳавола этилади. Матни Исмоил Махмуд Марғилоний қаламига мансуб, аранжировкаси Жасур Жавҳарназаров томонидан тайёрланган, мусиқасини эса Азиз Ражабий яратган мазкур тарона болалар, Наврўз, истиқлол мавзуларини ўз ичига олиб, барчага байрамона кайфият  бағишлайди.

Шунингдек, хонанда  баҳорнинг катта шодиёнасини нишонлаш учун Белгияга йўл олишидан хабар топдик. Санъаткор Брюсселда Ўзбекистон элчихонаси томонидан ташкил этилган Наврўз байрамига бағишланган концерт дастурида иштирок этади. Брюсселдан қайтаётганда эса Германиянинг шаҳарларидан бирида ўтказиладиган Наврўз айёми тадбирида ҳам тароналарини  томошабинларга тақдим этади.