“Baron”ning qo‘lga chiqib ketishida “panorama”ning qo‘li bormi?
“Baron” filmi video “qaroqchilar” qo‘liga Alisher Navoiy nomli kinosaroyning ehtiyotsizligi oqibatida tushib qolgan degan turli mulohazalar film qo‘lma-qo‘l bo‘lib ketganidan so‘ng xalq tomonidan ilgari surilgan eng birinchi tahminlardan biri bo‘ldi.
Mazkur fikrlarning qanchalik haqiqatga yaqin? Bu savolga kinosaroy direktori o‘rinbosari Husniddin Ergashev Kinorama.uz saytiga bergan intervyusida javob berdi.
- “Nafaqat “Baron” filmi balki boshqa filmlarning “pirat” disklari biz orqali chiqib ketmasligi ehtiyot choralari 100 foiz ko‘rib qo‘yilgan. Bundan tashqari kino ijodkorlari tomonidan olib kelingan disklarni ko‘chirib bo‘lmaydi, buni texnik tilda aytadigan bo‘lsak, filmlar kodirovka kilingan. Har kuni film namoyishi tugagandan so‘ng, film ijodkorlari kinoni o‘zlari bilan olib ketishadi. Yana 8 nafar navbatchi xodim doimiy ravishda zallarda aylanib yuradi hamda tomoshabinlarni nazorat qiladi. “Baron” bizdan, ya’ni kinosaroydan tarqalgani haqidagi gaplar mutlaqo asosiz va uydirmadan boshqa narsa emas. “Baron” filmi hali ham tomoshabin kirishi jihatidan kinosaroyimidagi oldi filmlaridan biri hisoblanadi. Ammo film qo‘lga chiqqach tabiiyki tomoshabinlarning soni ham keskin kamayishiga olib keldi”, - deydi saroy rahbari o‘rinbosari.
“Baron”ning qo‘lga chiqib ketishida “panorama”ning qo‘li bormi? 
