“Bir umrga bog‘langanmiz”. “Titanik” yulduzi Keyt Uinslet filmdagi partnyori Leonardo Di Kaprio bilan uch yil deganda uchrashdi
1997-yil “Titanik” filmida suratga tushayotgan vaqtida tanishgan aktrisa Keyt Uinslet va Leonardo Di Kaprio pandemiya sababli uch yil davomida bir-biri bilan ko‘risha olmadi. Aktyorlar ikkalasi ham Los-Anjelesda bo‘lgandagina uchrashishga muvaffaq bo‘ldi.
Uinslet o‘sha paytda o‘zini yig‘idan to‘xtata olmaganini so‘zlab berdi va filmdagi partnyorini “hayotining yarmi” deb bilishini aytdi.
“Biz o‘z mamlakatimizni tark eta olmadik, – deydi Keyt Uinslet The Guardian nashriga. – Dunyodagi ko‘plab do‘stlar kabi biz ham pandemiya tufayli bir-birimizni sog‘indik. U mening do‘stim, juda yaqin do‘stim. Biz bir umrga bog‘langanmiz”.