Bondianalar bilan bog‘liq eng shov-shuvli raqamlar!
Bilasizmi?
Bondianalar deganda Jeyms Bond haqidagi filmlar tushuniladi. Buyuk Britaniyaning kino olamidagi josusi – “007” 53 yildirki, dunyo kinomuxlislarining eng sevimli qahramonlaridan biri! Bugun hukmingizga taqdim etayotgan faktlarimiz, shu paytgacha yaratilgan bondianalar (“007: Spektr”dan tashqari) bilan bog‘liq eng shov-shuvli raqamlardir! O‘ylaymizki, ular sizni befarq qoldirmaydi!
23 ta filmning dunyo katta ekranlaridagi namoyishidan yiqqan jami tushumi - 13 275 833 501.
Sof foyda: 7 736 146 745 dollarni tashkil etadi.
Bondianalarni suratga olish uchun studiya sarf-xarajatlari va reklama uchun 2 124 700 000 dollar (23-filmning marketing xarajatlarini inobatga olmaganda) sarflangan!
24-film – “007:Spektr” shu kunlarda sarflangan xarajatlarni oqlab, “ega”lariga foyda chiqarib berish uchun dunyo kinoekranlarida tinimsiz “ter to‘kmoqda”! Qiziq, shu paytgacha yaratilgan bondianalar ichida eng qimmat byudjetli kartina (300 million dollar sarflangan) kinoijaradan qancha foyda keltirarkin? Bu hozircha mavhum.
Kuni kecha “007: Spektr”ni “qaroqchi” urganini va “video-pirat” do‘konchalarda tarqab ketganini inobatga olsak, bu kartinaning poytaxtimizdagi kinoijaradan kutilayotgan tushum umidini puchga chiqarishi mumkin. Agar, boshqa mamlakatlarda ham shu ahvol bo‘lsa, bundan battarrog‘i bo‘lmaydi! Nima bo‘lganda ham, omad yor bo‘lsin! Axir, shuncha mehnat, shuncha xarajat... Yana ancha umid ham bor!