Brent neftining bir barreli 35 dollarlik ko‘rsatkichdan pastladi
Londondagi ICE birjasida fyuchers savdolarida 2016 yil fevralida yetkazib beriladigan Brent markali neftning bahosi 4,1 foizga pastlab, 2004 yildagi minimum – bir barreli uchun 34,92 dollarga tushib ketdi. Bu haqda TASS xabar bermoqda.
Mutaxassislar fikricha, neft kotirovkalariga Saudiya Arabistonining Saudi Aramco davlat kompaniyasining Yevropadagi iste’molchilar uchun o‘z neftining asosiy navlariga belgilangan chegirmalarni oshirish to‘g‘risidagi qarori katta ta’sir ko‘rsatdi.
"BKS Ekspress" eksperti Vasiliy Karputinning ta’kidlashicha, Shimoliy-G‘arbiy Yevropa mamlakatlari uchun neft narxi 0,6 dollarga tushayotgan bo‘lsa, O‘rta Yer dengizi mintaqasi davlatlari uchun bir barrel neft bahosi 0,2 dollarga arzonlamoqda.
Shu bilan birga, amerikalik xaridorlar uchun Extra Light markali neft barreli 0,5 dollarga arzonlari.
Ayol Qalbi - You can't say (english version)
Brent neftining bir barreli 35 dollarlik ko‘rsatkichdan pastladi 
