Birlashgan Qirollikning eng keksa ayoli hisoblangan Gledis Xuper o'zining 113 yoshini nishonladi, deya xabar bermoqda VVS.

Uning aytishicha, tug'ilgan kunini oilasi va do'stlari davrisida bir finjon choy va shirinlik bo'lagi bilan nishonlashdan baxtiyor. Ayolning 85 yoshli o'g'li Derek Xermiston esa onasiga yangi sun'iy jag'dan yaxshiroq sovg'a bo'lmasa kerakligini aytgan.

Xuper Uayt orolidagi keksalar uyida yashaydi. U mamlakatning eng keksa fuqarosi sanaladi. Bundan tashqari, 2015 yilda u dunyoning ham eng keksa kishisiga aylandi.
Xuper 1903 yilning 18 yanvarida dunyoga kelgan.

Umri davomida pianinochi bo'lgan, avtomobillarni ijaraga berish biznesini yuritgan, kollejda ishlagan. O'g'lining aytishicha, onasi doimo kechalar markazida bo'lgan.

Eslatib o'tamiz, ayni paytda O'zbekistonning Namangan viloyatida ham dunyoning eng keksa insonlaridan biri – 118 yoshli Sadiyaxon ona Inomova istiqomat qilmoqda. Onaxon 1897 yil To'raqo'rg'on tumanidagi Yortepa qishlog'ida dunyoga kelgan.

Biroq yurtdoshimiz haqida na Ginnesning Rekordlar kitobi, na jahon ommaviy axborot vositalari xabardor. Shu bois onaxon xalqaro darajadagi mutaxassislar diqqat markazidan chetda qolmoqda.