13-15 mart kunlari Toshkentda o‘ninchi marotaba Zamonaviy yapon filmlari kunlari bo‘lib o‘tadi. Bu haqda Uzbekistan Today axborot agentligi xabar qiladi.
Tadbir “O‘zbekkino” milliy agentligi ko‘magida O‘zbekistondagi Yaponiya elchixonasi tomonidan tashkil etilgan.
Yaponiyaning mamlakatimizdagi elchixonasi matbuot xizmati tarqatgan xabarga qaraganda, Yaponiya kinosi kunlari chog‘ida beshta badiiy va bitta animasion film namoyish etiladi. Kinochilar uyida tomoshaning birinchi kunida “Baxtli parvoz” (rejissyor Sinobu Yaguti), “Shalopai” (rejissyor Takasi Yamazaki), “Kuill” (rejissyor Yoiti Say), Shamoldagi gulchechak” (rejissyor Sinzu Somai), “Ota bilan yashaganda” (rejissyor Kadzuo Kuroki) filmlari hamda “Vaqtni sakrab o‘tgan qiz” (rejissyor Mamoru Xosoda) animatsiya filmi namoyish etiladi.
Mazkur filmlar yapon tilida rus tilidagi subtitr bilan taqdim etiladi. Kirish bepul.