Buxorolik qiz noqonuniy tuqqan bolasini bo‘g‘ib o‘ldirib, chiqindixonaga tashlab ketdi
Buxorolik qiz noqonuniy tuqqan bolasini bo‘g‘ib o‘ldirib, chiqindixonaga tashlab ketdi. Bu haqda “Huquq” gazetasi xabar bermoqda.
Voqea Kogon tumanida sodir bo‘ldi. Aytilishicha, chekka qishloqlardan birida istiqomat qiluvchi Barno ismli qiz dalada mehnat qilishi asnosida Nizom ismli yigit bilan tanishib qolgan. Ular qisqa muddat uchrashib turishgan. Yigit uni o‘z dalasidagi mavsumiy ishlarga yollagan.
Ammo bir necha oylardan so‘ng munosabatlar tugagan. Barno esa homilador bo‘lib qolganini aniqlagan.
Uzoq oylar mobaynida u ota-onasidan va qo‘ni-qo‘shnilardan bu sirni yashirib yurgan. Oy-kuni yaqinlashganda esa hammomga kirib, farzandni dunyoga keltirgan. Ammo uydagilar go‘dakning ovozini eshitib qolmasligi uchun uni shu yerning o‘zidayoq bo‘g‘ib o‘ldirgan va sumkaga solib, yarim kechasi dala chetidagi chiqindixonaga tashlab ketgan.
Ertasi kuni fermer xo‘jaligining ish yurituvchisi chiqindixonada yangi tug‘ilgan go‘dakning jasadini topib olgan va tegishli idoralarga murojaat qilgan.
O‘z farzandining qotiliga aylangan ayol hibsga olinib, sudga tortilgan.
Buxorolik qiz noqonuniy tuqqan bolasini bo‘g‘ib o‘ldirib, chiqindixonaga tashlab ketdi 
