"Dilbarim" filmining suratga olish ishlari boshlandi
O‘zbekiston va Qirg‘iziston kinoijodkorlari hamkorlikda "Dilbarim" deb nomlangan film ustida ishlashmoqda. Tasvirga olish ishlari ayni damda jadal olib borilayotgan kartina har ikki davlat uchun ham do‘stlik munosabatlarini mustahkamlashga xizmat qiladi. Kartina "Dan" qirg‘iz prodyuserlik markazi va "O‘zbekkino" milliy agentligi bilan hamkorlikda suratga olinmoqda. Unda o‘zbek hamda qirg‘iz aktyor va aktrisalari ishtirok etishmoqda. Adiz Rajabov, Bobur Yo‘ldoshev, Ulug‘bek Qodirov, Madina Talipbek, Elina Abay qizi shular jumlasidandir. Film rejissyori Sarvar Karimov. Direktor Ibrohim Saidjabborov. Ushbu film haqida tez kunda batafsil ma’lumot berib o‘tamiz.