Gidrometeorologiya xizmati markazi ertaga, 11 yanvar kuni mamlakat bo‘ylab kuzatiladigan ob-havo haqida ma’lumot berdi. Marhamat, tanishing.
Toshkent shahri va Toshkent viloyatida havo harorati kechasi va kunduzi +3...+5 daraja bo‘ladi. Shamol tezligi 7-12 m/sga yetib, yomg‘ir va qor yog‘ishi kutiladi.
Farg‘ona vodiysida havo harorati kechasi -3...+2, kunduzi +2...+7 daraja bo‘lishi kutilmoqda. 12-17 m/s tezlikda shamol esadi, qor va yomg‘ir yog‘ishi mumkin.
Sirdaryo, Jizzax, Samarqand, Buxoro va Navoiy viloyatlarida havo harorati kechasi va kunduzi +2...+7 daraja bo‘ladi. 12-17 m/s tezlikda shamol esib, yomg‘ir va qor yog‘adi.
Surxondaryo va Qashqardaryo viloyatlarida havo harorati kechasi va kunduzi +3...+8 daraja bo‘ladi. Shamol tezligi 12-17 m/sga yetib, qor va yomg‘ir yog‘adi.
Qoraqalpog‘iston Respublikasi va Xorazm viloyatida havo harorati kechasi va kunduzi -5...0 daraja bo‘lib, qor yog‘adi. Shamol tezligi 5-10 m/sga yetadi.
Qamchiq dovoni va Chimyonda havo harorati kechasi -8...-3, kunduzi -5...0 daraja bo‘ladi. Shamol tezligi 12-17 m/sga yetib, qor yog‘ishi mumkin.