Gidrometeorologiya xizmati markazining xabar berishicha, ertaga, 23 noyabr kuni O‘zbekiston bo‘ylab havo o‘zgarib turadi, yog‘ingarchilik kuzatilmaydi. Shamol tezligi sekundiga 3–8 metrni tashkil qiladi.

Toshkent shahrida havo harorati kunduzi 18–20 daraja, kechasi 4–6 daraja iliq bo‘ladi.

Qoraqalpog‘iston Respublikasi va Xorazm viloyatida harorat kunduzi 18 darajagacha ko‘tariladi. Nukus shahrida kechasi 2–7 daraja, Urganch shahrida esa 3–8 daraja iliq bo‘ladi.

Buxoro, Navoiy, Samarqand, Jizzax va Sirdaryo viloyatlarida harorat kunduzi 15–20 daraja, kechasi 2–7 daraja iliq bo‘ladi.

Qashqadaryo va Surxondaryo viloyatlarida harorat kunduzi 17–22 daraja, kechasi 5–10 daraja iliq bo‘ladi.

Farg‘ona vodiysida esa harorat kunduzi 18 darajagacha, kechasi 5 darajagacha ko‘tariladi.

Durdona Rasulova