Bu yilgi kuz avvalgi yillardan keskin farq qildi. Sentabr oyining oxirida ayrim hududlarda hatto qor yog‘di. Havo harorati keskin tushib ketib, yomg‘irlar mavsumi ham boshlandi. Ertaga, 3 oktabr kuni kutilayotgan ob-havo ma’lumotini e’tiboringizga havola etamiz.
Ertaga Toshkent shahrida havo o‘zgarib turadi, vaqti-vaqti bilan yomg‘ir yog‘adi. Shamol tezligi sekundiga 12-17 metrgacha yetadi. Harorat kunduzi 17-19 daraja, kechasi 12-14 daraja iliq bo‘ladi.
Qoraqalpog‘iston Respublikasi va Xorazm viloyatida ertaga yog‘ingarchilik kutilmaydi. Harorat kunduzi 10-15 daraja, kechasi 8-13 daraja iliq bo‘ladi.
Buxoro viloyatida ham ertaga yog‘ingarchilik bo‘lmaydi. Havo o‘zgarib turadi. Harorat kunduzi 15-20 daraja, kechasi 10-15 daraja iliq bo‘ladi.
Navoiy, Samarqand, Jizzax, Sirdaryo hamda Qashqadaryo viloyatlarida esa ertaga, 3 oktabr kuni yomg‘ir yog‘adi. Harorat kunduzi 15-20 daraja, kechasi 10-15 daraja iliq bo‘ladi.
Surxondaryo viloyatida hamon issiq harorat saqlanib turibdi. Janubiy viloyatda ertaga yog‘ingarchilik kuzatilmaydi. Harorat kunduzi 25 darajagacha ko‘tariladi. Kechasi harorat 12-17 daraja iliq bo‘lishi kutilmoqda.
Farg‘ona vodiysi ertaga yomg‘ir ostida qoladi. Shamol tezligi sekundiga 12-17 metrgacha yetadi. Harorat kunduzi 15-20 daraja, kechasi 7-12 daraja iliq bo‘ladi.
Avval xabar berganimizdek, ertaga, 3 oktabr kuni Chorvoq, Chimyon va Qamchiq dovonida havo o‘zgaruvchan bo‘lishi, vaqti-vaqti bilan yog‘ingarchilik yog‘ishi, yomg‘ir qorga aylanishi mumkinligi haqida ma’lumot berib o‘tgandik.