Avvalroq, O‘zbekistonda xizmat ko‘rsatgan artist Fotima Rejametovaning qizi Farangiz Rejametova (Jamolxonova) kecha, 20 iyul kuni YTH natijasida vafot etgani haqida xabarbergan edik. Bugun, 21 iyul kuni 25 yoshli Farangiz peshin namozidan keyin dafn etildi.

Toshkent shahar Ichki ishlar bosh boshqarmasidan xabar berishlaricha, Farangiz Rejametova (Jamolxonova) Abdulla Qodiriy hamda Mahatma Gandi ko‘chalari kesishgan chorrahadan o‘tayotganda uni Mercedes Benz rusumli avtomobil urib yuborgan. Avtomobil 23 yoshli yigit boshqaruvida bo‘lgan. Haydovchi qizga tibbiy yordam ko‘rsatish uchun uni shifoxonaga olib borishga uringan.

Guvohlarning ma’lum qilishicha, haydovchi piyoda Farangiz Rejametova (Jamolxonova)ga yo‘l bermagani oqibatida ushbu YTH kelib chiqqan.

YTH sabab Mirzo Ulug‘bek tumani IIOFMB TB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan, tergov harakatlari boshlangan.