So'nggi ma'lumotlarga qaraganda, shu yil 17 iyun kuni Farg'ona viloyati, Rishton tumani, Bo'jay qishlog'ida yashovchi ismi-sharifi sir tutilgan qiz o'zi yashaydigan uy ayvonida hech kim yo'qligidan foydalangan-u, o'zini osish orqali joniga qasd qilgan.

— U uyidagilar yo'qligidan foydalanib, joniga qasd qilibdi, — deydi shu qishloqda yashovchilardan biri. — Kechagina qizni dafn etishdi…

Marhumaning qarindoshlari, yaqinlari fojia sababini bilishsa kerak. Ammo bu haqda hech narsa deyishmayapti. Faqat shu narsa ma'lumki, bu qiz maktabda a'lo baholarga o'qigan. Juda aqlli va og'ir-bosiq qiz edi.

Nadomatlar bo'lsinki, keyingi paytlarda respublikamizda yoshlarning joniga qasd qilish holatlari tobora ko'payib bormoqda. Statistik ma'lumotlarga ko'z tashlaydigan bo'lsak, so'nggi uch oy ichida o'nlab yoshlar joniga qasd qilibdi.