«GM Uzbekistan» 45 daqiqada rasmiylashtirib olib ketish mumkin bo‘lgan avtomobillar
«GM Uzbekistan» AJ barcha dilerlik tarmoqlarida Mijoz to‘lov qilgan zahoti olib ketishi mumkin bo‘lgan avtomobillar mavjudligi haqida eslatib o‘tdi. Kompaniya matbuot xizmati xabariga ko‘ra, ushbu xizmat orqali xaridor o‘zining avtomobilini atiga 45 daqiqa ichida rasmiylashtirib, olib ketishi mumkin.
Ayni vaqtda kompaniyaning dilerlik tarmoqlarida «45 daqiqada Avtomobil!» dasturida Spark, Lasetti (CNG) va Cobalt rusumidagi 2259 dona avtomobil savdoga qo‘yilgan.
Avtomobillarning to‘liq ro‘yxati va soni bilan ushbu havola orqali tanishish mumkin.
«Mazkur bo‘limdagi ma’lumotlar kundalik tarzda yangilanib boriladi. Dilerlarda mavjud avtomobillar soni sotilgan avtomobillar soniga qarab o‘zgarib borishi mumkin», deyiladi xabarda.