Hilol Nasimov “O‘zbekfilm” AJ rahbarligidan ozod qilindi
Bugun, 27 oktabr kuni “O‘zbekfilm” aksionerlik jamiyatining navbatdan tashqari yig‘ilishi bo‘lib o‘tdi. Unda kinostudiyaning bugungi holati, mavjud kamchilik va muammolar muhokama qilingan. Bu haqda “O‘zbekkino” Matbuot xizmati xabar berdi.
Korxonani sog‘lomlashtirish va uni qayta shakllantirish yuzasidan taklif va mulohazalar tinglangan. Yig‘ilishda tashkiliy masala ko‘rilib, Hilol Nasimov boshqa ishga o‘tgani munosabati bilan “O‘zbekfilm” AJ direktorligi lavozimidan ozod qilingani ma’lum bo‘lgan.
Bundan tashqari, jamiyatning moliyaviy-iqtisodiy ahvolini tahlil qilish va kelgusida rejalashtirilgan ishlarni amalga oshirish bo‘yicha ishchi guruh tashkil etilgani qayd etilgan edi.