Tanaffusdan so‘ng ayni vaqtda yana ijod olamiga sho‘ng‘ib ketgan Jamshid Abduazimov yangi qo‘shiqlarini ketma-ket taqdim etib kelmoqda.
Bugun "O‘zbegim Taronasi" radiosi orqali xonandaning "Kerak emas" nomli taronasi ilk bora tinglovchilar uchun taqdim etildi. O‘ziga xos yo‘nalishda yaratilgan qo‘shiq Jamshid Abduazimov muxlislariga munosib tuhfa bo‘ldi.
Ayni vaqtdagi kuz mavsumiga monand tarona matni Alisher Tair qalamiga mansub. Aranjirovka esa Jasur Badalboyev tomonidan tayyorlangan.
Tarona yangrab bo‘lgach, tinglovchilar radioga qo‘ng‘iroq qilib o‘zlarining xolis baholarini berishdi. Aytish kerak, Jamshid Abduazimov qo‘shiqlarini muxlislar sog‘inishgan. Buni ularning o‘zlari ham ta’kidlab o‘tishdi. "Kerak emas" nomli qo‘shiq musiqa va matn uyg‘unligi ayniqsa, tinglovchilarga ma’qul kelganligini ular tomonidan bildirilgan fikrlar tasdiqlaydi. Muxlislar sevimli xonandalaridan sho‘x qo‘shiqlar ham kutib qolishlarini qo‘shimcha qilishdi.
Saytimiz orqali Jamshid Abduazimov ijrosidagi yangi "Kerak emas" taronasini tinglab, o‘z fikringizni qoldirishni ham unutmang!
Ishdagi Ishq - Нас в набитых трамваях
Jamshid Abduazimov ijodidagi yangi tarona 
