“Янги ўргимчак-одам” фильмининг янги режиссёри тайинланди
Columbia Pictures компаниясининг Президенти Даг Белград "Ўргимчак-одам” фильмининг навбатдаги фильмига режиссёр сифатида Марк Уэббни тайинлади.
Уэбб 2012 йилнинг ёзида чиққан "Янги ўргимчак-одам” франшизасини саҳналаштириш ишлари билан шуғулланган. Бундан олдин эса режиссёр 2009 йилда тўлиқ метражли комедик драма "Ёзнинг 500 куни" фильмини мухлислар эътиборига ҳавола этган.
Шунингдек, Даг Белград янги "Ўргимчак одам” фильмида бош ролни Эндрю Гарфилд ижро этишини расман эълон қилди. Эмма Стоун билан эса айни дамда музокаралар олиб борилмоқда.
Маълумотларга қараганда, бюджети 230 млн АҚШ доллари бўлган "Янги ўргимчак-одам" фильми ижодкорларга 751 миллион доллар фойда келтирган. Фильмнинг давоми 2014 йилнинг май ойида катта экранларга чиқиши кутилмоқда.