Япониянинг Халқаро фазовий станция учун мўлжалланган
материаллар ва юклар ортилган HTV4 космик юк аппарати ер орбитасига
муваффақиятли чиқди.
Аппаратни Н-2В ракета-ташувчи кема ёрдамида Танегасима оролидан учирилди.
Орбитал юк аппаратининг бортида ичимлик суви, озиқ-овқат, кийим-кечак ва бошқа
бир қатор материаллар бор.
Бундан ташқари, HTV4 Халқаро фазовий станцияга кичкина
гапирувчи роботни ҳам олиб кетди. Сунъий интеллект тизими билан жиҳозланган
андроид станцияга япон астронавти Коити Вакатанинг келишини кутади.
Робот муаллифининг журналистларга маълум қилишича, андроид япониялик
астронавтни юзидан таниб олиши мумкин ва унинг вахтаси давомида у билан мулоқот
қилиб туради.
Ушбу экспериментдан мақсад жамиятдан ажралиб қолган одамларга роботлар маънавий
кўмак бериш-бермаслигини аниқлашдан иборат.
Японлар коинотга гапирувчи робот учиришди 
