Fransiyalik aktyor Jerar Deparde Fanni Ardan rejissyorligidagi filmda Iosif Stalin obrazini gavdalantiradi. Film fransiyalik yozuvchi Jan-Daniel Baltassning 2013 yili chop etilgan “Stalinning divani” psixologik roman ekranizatsiyasi bo‘ladi. Bu haqda nur.kz xabar bermoqda.
Kitob voqealari 1950 yilda sobiq ittifoqda bo‘lib o‘tadi. Syujetga ko‘ra, yosh rassom Danilov Stalinning Gruziyadagi maxfiy qarorgohiga “Xalqlar otasi” monumenti loyihasini muhokama qilish uchun boradi, ammo suhbatdan avval u so‘roqdan o‘tishi talab qilinadi.
S’yomkada Rossiyaning “Mosfilm” kompaniyasi ham ishtirok etadi. Kinokonsern sovet davriga oid kostyumlar va dekoratsiya tayyorlashda yordam beradi.