Xonanda Lola 1-iyun—Xalqaro bolalarni himoya qilish kuni munosabati bilan jajji muxlislariga ajoyib sovg‘a tayyorladi. U o‘zining Instagram`dagi sahifasida “Erkatoy” qo‘shig‘iga klip suratga olish ishlari yakunlangani va tez kunda eng kichik muxlislari yangi ijod namunasidan bahramand bo‘lishlari mumkinligi haqida yozib qoldirdi. Lola mazkur klipni suratga olish uchun bolalar o‘rtasida kasting e’lon qilgani haqida xabar bergan edik. Ma’lumotlarga ko‘ra, kastingga 5000 dan ortiq fotosuratlar kelib tushgan. 3000 nafardan ortiq bolalar esa kastingda ishtirok etgan. Ulardan 200 nafari klipda suratga tushish uchun saralab olingan. Klipni rejissyorlar Narimon Sultonxo‘jaev va Sanjar Matkarimov suratga olgan. “Erkatoy” klipi tez kunda taqdim etiladi.
Lola bolalar kuniga ajoyib tuhfa hozirladi 
