Lola va Dj.Piligrim UNICEF madhiyasi uchun klip suratga olindi
Butunjahon bolalar huquqlarini himoya qilishga qaratilgan xalqaro UNICEF tashkilotining madhiyasiga aylanadigan, mashhur xonanda Djon Lennonning "Imagine" taronasini, tashkilotga a’zo bo‘lgan har bir davlatlarda, o‘sha mamlakat xonandalari ijrosidagi varianti yaratilgan. Mazkur tashkilot bu huquqni o‘zbek san’atkorlari orasidan latofatli Lolaga taqdim etgandi.
Keyinroq esa Dj Piligrim “Imagine” loyihasining sound prodyuseriga aylangani xabar qilindi. “Yulduz” qo‘shig‘ining xit darajasiga ko‘tarilgani va katta shov-shuvlarga sabab bo‘lganini hisobga olsak, yangi loyiha ham muvaffaqiyatli amalga oshirilganiga shubha yo‘q.
O‘zbek estradasida o‘ziga xos katta loyiha hisoblangan mazkur kompozisiya uchun bugun videoklip suratga olindi. Bunday katta ma’suliyatli ishga taniqli klipmeyker Temur Primqulov rejissyorlik qildi. Videoklipning ssenariy muallifi Gulsina Abdurahmanova.
Lola hamda Dj Piligrim imijdini yaratishda bir nechta o‘z ishining ustalari bo‘lgan mutaxassislar, ya’ni dizayner Hilola Sher, stilist-vizajistlar Yakusheva Diana hamda Xasanova Sonya hamkorlikda ishlashdi.
Klipda “Sato” guruhi ham ishtrok etdi, sababi qo‘shiqning musiqasi mazkur guruh sozandalari tomonidan jonli ravishda yozilgan. Bundan tashqari “Tomosha” guruhining iste’dodli bolalari ham qo‘shiqqa jo‘r bo‘lishgan.
Suratga olish jarayonida juda katta ijodiy guruh bir jamoa bo‘lib ishladi. Bolalar uyidan taklif etilgan bolajonlar, qolaversa UNICEF xalqaro tashkiloti vakillari ham videoklip ishtirokchilariga aylanishdi.
Tez kunda klip montaj jarayonlaridan o‘tib, e’tiboringizga taqdim etiladi. Premerani o‘tkazib yubormang.
So'nmas Sevgi - Soundtreck
Lola va Dj.Piligrim UNICEF madhiyasi uchun klip suratga olindi 
