Lola Yo‘ldosheva ochiq-sochiq liboslarini deb dashnom eshitdi
Kuni kecha “Nihol” mukofoti sovrindori Lola Yo‘dosheva O‘zbekiston Respublikasi Madaniyat va sport ishlari vazirligi tashabbusi bilan Yoshlar madaniyat va san’at markazi hamda “O‘zbeknavo” estrada birlashmasi tomonidan Samarqand viloyatida o‘tkazilgan “Kim edigu kim bo‘ldik, ertaga qanday yuksak marralarni egallashimiz kerak?” mazmunidagi targ‘ibot tadbirlariga ochiq-sochiq libosda borgani haqida xabar bergan edik. Lola Yo‘ldoshevaga nisbatan shu bugunga qadar aytilgan tanqidlar o‘z ta’sirini ko‘rsatmagan ko‘rinadi. Xonanda yana ochiq liboslardagi suratlarini ijtimoiy tarmoqlarga joylashtirish bilan band. U bu liboslarni ko‘cha-ko‘yda, oila yoki do‘stlari davrasida kiysa, mayliga, biroq xonanda g‘arb ayollariga xos liboslarda konsert va turli tadbirlarda chiqish qilmoqda. Uning galdagi libosi muxlislarning ham g‘ashini keltirib, qator e’tirozlarga sabab bo‘ldi.
Lolaning navbatdagi surati ham ijtimoiy tarmoqlar orqali uni kuzatib boradigan muxlislar o‘rtasida qarama-qarshiliklar keltirib chiqardi. Kimdir Lola Yo‘ldoshevaning qanday libos kiyishi – uning shaxsiy ishi ekanini aytsa, yana kimdir sahnaga chiqqan san’atkor har tarafdan odamlarga o‘rnak bo‘lishi shartligini aytmoqda. Ular orasida Lolaning ochiq-sochiq kiyinishi uning muxlislariga ham salbiy ta’sir o‘tkazayotganini ta’kidlayotganlar ham bor. Internet foydalanuvchilaridan biri bu holatda “O‘zbeknavo” estrada birlashmasini ayblab, Lolaning xatti-harakatlari odamlarni va “O‘zbeknavo”ni mensimay qo‘yganidan dalolat ekanini aytdi.
Qiziq, Lolaga navbatdagi tanqidlar ta’sir qilarmikin?
Choli Qushi-soundtreck
Lola Yo‘ldosheva ochiq-sochiq liboslarini deb dashnom eshitdi 
