Avvalroq, “Qalampir.uz” “Nihol” mukofoti sovrindori, “Shuhrat” medali sohibasi Manzura Yo‘ldosheva bilan suhbatlashgani haqida xabar bergan edik.

Manzura Yo‘ldosheva bu yil 40 yoshni qarshiladi. Bugungacha turmush qurmagan xonanda taqdiridan rozi, u hayotning mazmunini ijodi, oilasi, ota-onasiga bo‘lgan mehr-muhabbatida ko‘radi.

Yaqinda Manzura Yo‘ldosheva ozarbayjonlik xonanda bilan qo‘shiq kuyladi. Ozar internet-nashrlarida esa Manzura Yo‘ldosheva o‘zbek muslima ayollari namunasi sifatida e’tirof etilgan maqolalar paydo bo‘ldi. Qiziq, kechagina kalta, ochiq-sochiq liboslari bilan tilga tushgan Manzura bunday e’tirofga qanday erishdi, dersiz. Xonanda avvalgidan ancha o‘zgargan. Ochiq liboslar nari tursin, hatto, yengsiz ko‘ylakda ham ko‘rmaysiz uni. U o‘zidagi o‘zgarishlarni yoshi ulg‘aygani, quyulgani bilan bog‘lar ekan, buni ba’zi san’atkorlar qabul qila olmayotganini, erkaklar bilan qo‘l berib ko‘rishmasligi ortidan turli gap-so‘zlar bo‘layotganini aytadi.

U “O‘zbekkonsert” davlat muassasasi amaldori bo‘lsa nima qilardi? San’atkorlarga qanday yengillik yaratardi. Umuman ularni qiynayotgan muammolar nima. Suhbatni tomosha qilib barcha haqida bilib olishingiz mumkin.