Bolaligidanoq shou biznes olami muhitida katta bo‘lgan va san’atga juda katta mehr bergan xonanda Iroda Dilroz muxlislari uchun kutilmagan tuhfa tayyorlamoqda. U xalqimizning sevimli qo‘shig‘iga aylangan, qadimdan kuylanib kelingan “Salom salom” taronasini yangicha talqinda kuyladi. Unga Jamshid Gaffarov tomonidan qadimiy an’analarimiz va zamonaviylikni uyg‘unlashtirgan holda musiqiy sayqal berildi. O‘zbek xalqining eng ommabop udumlaridan biri bu kelin salomdir. Bundan kelib chiqqan holda mazkur musiqiy asarga mos videoklip ham suratga olindi. Narimon Sultonxo‘jaev rejissyorligida tasvirga olingan klipda xonanda Manzura kelin obrazida namoyon bo‘ladi. Uning salom solishiga birgalikda videoklipni tomosha qilib baho berishingiz mumkin. Bundan tashqari, Muhammadiso Abdulhayirov, Zuhra Soliyev, Husan Jo‘raev, Shoira G‘iyosova va boshqalarning ijrosini ko‘rishingiz mumkin. Liboslar ustida Hilola Sher hamda Mo‘tabar Umarova ishladi. Mazkur klip tez kunda tayyor bo‘ladi va saytimiz orqali birinchilardan qatorida tomosha qilish imkoniga ega bo‘lasiz. Hozir esa tasvirga olish jarayonidan taqdim etilgan fotosuratlardan bahramand bo‘lishingiz mumkin.
Pazanda - The Sound of Love
Manzuraning kelin salomi 
