МТС Ўзбекистон шикоятини кўриб чиқиш 30 октябрга қолдирилдиa
Олий хўжалик суди қарор қабул қилди.
Ўзбекистон Олий хўжалик суди 16 октябрь куни МТС-Ўзбекистоннинг лицензия бекор қилинишига оид шикоятини кўриб чиқишни 30 октябрга қолдириш ҳақида қарор қабул қилди. Бу ҳақда ПРАЙМагентлиги хабар берган.
Шу масалага қаратилган дастлабки суд иши 9 октябр куни бўлиб ўтган ва вазиятни яхшилаб ўрганиш мақсадида ушбу иш 16 октябрга қолдирилганди.
16 октябр куни эса Тошкент шаҳар жиноий ишлар бўйича судининг апелляция кенгаши ҳам "Ўздунробита" ХКнинг 4та менежери устидан чиқарилган ҳукмга қарши шикоятни 30 октябрда кўриб чиқишини маълум қилди.
Тошкент шаҳар жиноий ишлар суди 17 сентябр куни молиявий жиноятларни содир этганликда айбланган компаниянинг ушбу ходимларига шартли равишда 3 йиллик жазо чорасини белгилаш ва компания активларини давлат фойдасига мусодара қилиш бўйича қарор қабул қилганди.
МТС Ўзбекистон шикоятини кўриб чиқиш 30 октябрга қолдирилдиa 
