"Система” акциядорлик молия корпорацияси директорлар кенгаши раиси Россиянинг МТС уяли оператори эгаси Владимир Евтушенковнинг "Ведомости” нашрига берган интервьюсида, ҳозирда МТСнинг Ўзбекистон бозорига қайтиши тўғрисида музокаралар олиб борилмоқда.

Журналистнинг МТС Ўзбекистонга қайтиш эҳтимоли борми деган саволига  Евтушенков ижобий жавоб қайтарди.
«Ушбу мавзудаги музокараларда шахсан ўзингиз қатнашяпсизми?» -дея саволни аниқлаштирди россиялик журналист. 

«Ҳа, иштирок этяпман, аммо ҳеч нарсани олдиндан башорат қила олмайман. Бу иш амалга ошса - яхши, амалга ошмаса ҳам яхшиликка. Бугун бу мавзу аслида тарихга айланиб бўлган. Албатта қайтиш биз учун ҳам, Ўзбекистон учун ҳам яхши бўларди, аммо бу борада бирор нимани аниқ айтиб бўлмайди…», - таъкидлади Евтушенков.