Istanbulda o‘tkazilgan “narkotik moddalarga qarshi” operatsiyasida Turkiyaning taniqli aktyori qo‘lga olindi.

“Muhtasham yuz yil” serialida Bahrom Poshsho obrazini ijro etgan Adnan Koch bir yildan buyon Istanbul polisiyasining kuzatuvi ostida edi.

U va ukalari hamda do‘sti nomi oshkor etilmagan qandaydir guruhga dilerlik, ya’ni giyohvand moddalari yetkazib beruvchi sifatida xizmat qilardi.

Operatsiyani Istanbul ichki ishlar mudirligining narkotik moddalarga qarshi kurashish sho‘’basi amalga oshirdi.

Ular giyohvand moddalar sotuvchisi Sinanni “ishga solishib”, Adnan Kochning mahsulotiga xaridor sifatida yollashdi.

“Xaridor” aktyor va uning uch ukasi bilan savdolashayotganda qo‘lga olindi. Tintuvdan so‘ng, Adnan Kochning yonidan anchagina miqdorda kokain moddasi chiqgan.

Xaridorni kafedan kutayotgan ukalari yonidan esa metafetamin va ekstezi taqilangan moddasi topildi. Adnaan Koch qo‘lga olinganda polisyaiga qarshilik qilgani ham gazetalarda yozilmoqda.

Surishtiruvda ma’lum bo‘lishicha, “narkotik moddalar” sotuvchisi Sinan avval ham taniqli aktyorlardan biri Serxan O‘natga ham giyohvand modda sotganini aytgan.

Akmalxon Eshonxonov