Ноодатий қўшиқлари билан эстрада оламида ўз ўрнига эга Муниса Ризаева сўнгги вақтда фақат дуэт куйлаш билан банд. 

Хит парадларнинг биринчи поғоналарини эгаллаб келаётган Ботир Қодиров билан куйлаган "Дема-дема” қўшиғидан сўнг хонанда Суҳроб Кенжаев билан ҳамкорликни бошлади. 

Хонандаларнинг рус тилида куйлаган қўшиғига Тимур Исҳоқов Москва шаҳрида клип олди. Клипда сюжет ва трек йўналишлари уйғунлигини кўриш мумкин. 

Унда актёр Азиз Раметов суратга тушган. Ҳозирча қўшиқ номи ва унинг премьераси куни сир тутилаётган бўлса-да, унда Муниса ноодатий имиджда намоён бўлиши алоҳида эътироф этилди. 

Дарвоқе, Муниса мазкур дуэтдан сал аввалроқ актёр ва хонанда Азиз Раметов билан ҳам дуэт куйлаган эди.

Бу суратни Суҳроб Кенжаев ўзининг фейсбукдаги саҳифасида жойлаштирган.