Munisa Rizayeva: 30 ga kirdim, turmush o‘rtoq tanlash masalasi juda qiyin bo‘lyapti
Xonanda Munisa Rizayeva san’atini tushunadigan insonga turmushga chiqishni istashini aytib o‘tdi, deya xabar bermoqda “Bekajon” gazetasi.
“Ilk marotaba 15 yoshimda sovchi kelgandi, shunda ota-onam: ‘Qizimizni hali turmushga bermaymiz’, — deyishgan. Hozir ham sovchilarning keti uzilmayapti. 30 ga kirdim, turmush o‘rtoq tanlash masalasi men uchun juda ham qiyin bo‘lyapti”, — dedi xonanda.
“Yosh o‘tgan sari turmushga chiqish qiyin bo‘larkan. Chunki borgan sari aqlingizni tanib borasiz, tanlovda u insonning yaxshi tomonlaridan ko‘ra yomon tomonlari ko‘rinaveradi. Hozir shu haqda juda ko‘p o‘ylayapman. Bu bir umrlik savdo degani, tavakkal qilib bo‘lmaydi”, — dedi Munisa Rizayeva.
“Agar turmush o‘rtog‘im: ‘Yo oilani, yo san’atni tanla’, deb shart qo‘ysa, oilani deb san’atdan voz kechishim mumkin. Lekin san’atimni tushunadigan, qiziqishlarimni qadrlaydigan insonga turmushga chiqishni xohlayman. Chunki san’at — mening hayotim”, — deya qo‘shimcha qildi Munisa Rizayeva.
yana 10yildan keyin ham turmush o'rtoq tanlash masalasi qiyin bo'lyabdi diydiii bu artist. Oddiy uzbek qizlaridek iboli hayoli bo'lganida edi bu voqtgacha "Ona"degan buyuk masulyatli nomga ega bo'lardilaaa
Agar siz idealizdagi odamni qidirib uni topsez, siz unimas, idealizni sevgan bo‘larkansiz. Lekin kimnidir sevib uni har jihatini o‘ziz uchun ideallashtirsez ana shu haqiqiy sevgi hisoblanarkan. Yaxshi yomon hislat hammmada bor. Juftizni qaysi hislatini ko‘ra olish esa faqatgina o‘zizga bog‘liq. Chin dildan sizga BAXT TILIMAN!!!
Atigi bir ikki bor ko‘rishib turmush qurganlar o‘n yillab sevishib yurganlardanam baxtliro yashayotganlarni ko‘rdm. Munis opa ideal insonni o‘zi bo‘midi.
Munisa Rizayeva: 30 ga kirdim, turmush o‘rtoq tanlash masalasi juda qiyin bo‘lyapti 
