Toshkentda 19-fevral, shanba kuni Octagon va U1 promoushenlari hamkorligida MMA kechasi bo‘lib o‘tdi.

Kechaning asosiy jangida o‘zbekistonlik Nursulton Ro‘ziboyev (34-9-2) braziliyalik Luchiano Kontiniga (14-5) qarshi oktagonga ko‘tarildi. Bellashuv 54-soniyada o‘z nihoyasiga yetdi. Ro‘ziboyev raqibini og‘rituvchi usul bilan mag‘lubiyatga uchratdi.

Shuningdek, ushbu kechaning asosiy kardida quyidagi janglar bo‘lib o‘tdi.

• Ruslan Rustamov (Ozarbayjon) Avliyoxon Hamidovni (O‘zbekiston) 1-raundda og‘ritish uslubi bilan mag‘lub etdi;
• Azamat Nuftillayev (O‘zbekiston) va Yuriy Protsenko (Ukraina) o‘rtasidagi bahs durang natija bilan yakunlandi;
• Yerkubulan Toktar (Qozog‘iston) Abdul-Aziz Sotvoldiyevni 2-raundda nokautga uchratdi;
• Ilyar Asxanov (Qozog‘iston) Muslimbek Komilovni (O‘zbekiston) 3-raundda mag‘lub etdi;
• Ilyor Baktiyar Ulu (Qirg‘iziston) Farhod Davlatovni (Tojikiston) 2-raundda texnik nokautga uchratdi;
• Faxriddin Mardiyev (O‘zbekiston) Amir ash-Shanruni 1-raundda texnik nokaut evaziga mag‘lub etdi.