O`lim to`shagida yotgan qizini suratga tushirgan ona unda qizining tepasidagi “farishta”ni ko`rdi
Ota-ona uchun farzand dog`i eng og`ir azobdir, bunday hollarda har qanday odam ilohiy kuchlardan ko`mak kutadi, deb xabar beradi “Miladynews.ru” nashri.
Buyuk Britaniyaning Linkolnshir grafligida yashovchi Sara Danberi bedavo dardga yo`liqib, ajal bilan olishayotgan qizining yonida uning dardiga davo topolmay, o`layotganini jimgina kuzatishdan boshqa iloj topolmadi.
19 yoshli Emmi jigar saratonining eng kam uchraydigan “gepatosellyulyar karsinoma” degan turiga yo`liqqandi. Bu dard tennis koptogi hajmidagi bezning paydo bo`lishiga sabab bo`ldi.
Emmi bir qancha kimyoterapiya kurslarini qabul qildi, onasi esa uni bir dam yolg`iz qoldirmadi. Kuz oylarining birida qizining umri poyoniga etganini sezgan onasi qizini so`nggi marotaba suratga olishga qaror qildi
Suratni tomosha qilayotgan ona Emmining tepasida turgan “farishta”ning sharpasidan hayratga tushdi. Suratni ko`rgan Emmi “Bu mening qo`riqchi farishtam”, dedi.
Sara qizi hayotining so`nggi kunlarini farishta kuzatib turganiga ishondi. Oradan 3 hafta o`tgach, Emmi bedavo kasallikdan vafot etdi. Onasi qizi oxirgi nafasigacha kurashganini faxr bilan so`zladi: “Qizim o`layotganini bilsa-da, ko`z yoshi to`kmadi, tushkunlikka tushmadi. Emmi juda irodali qiz edi. Uning oxirgi suratiga nazar tashlab, qalbim taskin topadi. Qizim barcha og`riqlardan, azoblardan xalos bo`ldi, uning jannatga tushganiga ishonaman”.
O`lim to`shagida yotgan qizini suratga tushirgan ona unda qizining tepasidagi “farishta”ni ko`rdi 
