16 may kuni Yoshlar Ijodiyoti Markazida bir qator o’zbek
kinosi ijodkorlarining majlisi bo’lib o’tdi. «Fond Forum» tomonidan tashkil
etilgan mazkur yig’ilishda «Oltin Gepard» xalqaro kino festivalida ishtirok
etadigan o’zbek kinolarini saviyasini yanada ko’tarishga qaratildi, desak
noto’g'ri bo’lmasa kerak.
Tobora rivoj topib borayotgan o’zbek kinosiga oid ushbu
majlisda bugungi kun xususiy filmlarini saviyasini ko’tarishga e’tibor
qaratildi. Xususiy film tayyorlayotgan kinochilar ham o’zlarining bir qator
e’tirozlarini bildirib, ularga bo’lgan e’tiborni biroz oshirilishini so’rashdi.
O’zbek kinosi ichki dunyosida bo’layotgan bir qator kelishmovchiliklarni
bartaraf etish masalasi ham ko’tarildi va bu borada ikki tomon ham kelishgan
holda to’g'ri xulosaga kelib, hamjihatlikda ajoyib kinoasarlarni tomoshabinlar hukmiga
taqdim etishlariga umid qilamiz. Majlisda, Murod Rajabov, Matyoqub Matchonov,
Muhammad Iso Abdulhayirov, Said Muxtorov, Zebo Navro’zova, Javlon Shodmonov,
Jahongir Poziljonov, Ulug’bek Qodirov, Adiz Rajabov, Muhammad Ali Iskandarov,
Umid Iskandarov, Asal Shodieva, Sevara Solieva, Shahzoda Muhammedova, Dilnora
Kubaeva, Aziz Rametov kabi bir qator taniqli kino ijodkorlari ishtirok etdilar.
Bu majlis so’nggisi emas, yana uning davomi bo’ladi. Zero, o’zbek kinosining
rivoji uchun hamma ijodkorlar bir yoqadan bosh chiqarib, hamjihatlik bilan ish
olib borishlari shart. Ana shundagina haqiqiy kinoasarlar dunyoga keladi.