O‘zbekiston Futbol Federatsiyasi matbuot xizmati 21-iyul kuni Iroq va mamlakat olimpiya terma jamoalari o‘rtasida o‘rtoqlik o‘yini o‘tkazilishi haqida xabar berdi. Unda O‘zbekiston olimpiya terma jamoasini maydonga Ravshan Haydarov bosh murabbiy sifatida boshlab tushashi ko‘rsatilgan.

24-iyul kuni O‘zbekiston va Iroq milliy terma jamoalari o‘rtasidagi o‘yin “Bunyodkor” stadionida bo‘lib o‘tadi. Olimpiya termasining iroqliklar bilan to‘qnashuvi uchun esa “Jar” stadioni tanlab olingan.

Federatsiya rasmiy saytidagi xabarda Ravshan Haydarov murabbiyligidagi jamoa milliy terma jamoaning yaqin kelajakdagi o‘rinbosari sifatida ko‘rsatilgan. Milliy terma jamoaning asosiy futbolchilari terma yig‘inida ishtirok etmayapti. Avstriya yig‘inida Samvel Babayan bilan bo‘lib turgan futbolchilar yanada yaqinroq kelajakdagi o‘rinbosarlarmi yoki yo‘q oydinlik kiritilmagan.

Ravshan Haydarov 19 nafar futbolchi bilan Toshkentga yetib kelgan Iroq milliy terma jamoasiga qarshi bellashuv uchun quyidagi futbolchilarni tanlab oldi:

Darvozabonlar: Eldor Suyunov (“Nasaf”), Dilshod Hamroyev (“Obod”), Botirali Ergashev (“Paxtakor”)

Himoyachilar: Rustam Ashurmatov (“Bunyodkor”), Doston Tursunov (“Qo‘qon-1912”), Shahzod Abdurahimov (“Bunyodkor”), Najmiddin Normurodov (“Nasaf”), Firdavs Abdusalimov (“Dinamo”), Abbos Otaxonov (“Paxtakor”), Nodir Yo‘ldoshev (“Paxtakor”)

Yarim himoyachilar: Jamshid Boltaboyev (“Paxtakor”), Murod Rajabov (“Olmaliq”), Xurshid G‘iyosov (“Obod”), Mirjamol Qosimov (“Olmaliq”), Doston Hamdamov (“Bunyodkor”), Doniyor Narzullayev (“Nasaf”), Timur Tolipov (“Paxtakor”), Javohir Siddiqov (“Paxtakor”), Jaloliddin Masharipov (“Paxtakor”), Sardor Mirzayev (“Lokomotiv”)

Hujumchilar: Zabixullo O‘runboyev (“Bunyodkor”), Zafar Polvonov (“Sho‘rtan”).