Uyali aloqa operatorlari abonent raqami to‘lovi 600 so‘m bo‘ldi
2014-yil 1-yanvardan mobil aloqa xizmatini taqdim etuvchi
yuridik shaxslarga abonent raqamidan foydalanganlik uchun to‘lov 500 so‘mdan
600 so‘mga oshirildi. Bu haqda "Gazeta” nashri xabar berdi.
Norma.uz xabar berishicha, bu Prezidentning 25-dekabr
kunidagi "O‘zbekiston Respublikasining 2014-yilgi Davlat byudjeti asosiy
makroiqtisodiy ko‘rsatkichlari va parametrlari prognozi to‘g‘risida”gi qarorida
nazarda tutilgan.
Abonent
raqami uchun to‘lov 2012-yil 1-yanvardan kiritilgan edi. Avval u 400 so‘mga
teng bo‘lgan bo‘lsa, 2013-yilda 500 so‘mgacha oshgan edi.
Ushbu
to‘lovdan tushgan mablag‘ning 70 foizi davlat byudjetiga, 30 foizi Davlat
aloqa, axborotlashtirish va telekommunikatsion texnologiyalar qo‘mitasiga
investitsion loyihalar, axborotlashtirish dasturlarini amalga oshirish hamda
telekommunikatsion tarmoqlarni rivojlantirish uchun yo‘naltiriladi.