Avvalroq, 15 noyabrdan AI-80 va AI-91 yoqilg‘i turlarining narxi oshishi haqida ma’lumotlar ehtimol sifatida keltirilgan edi.

O‘zbekistonda shu haftada mavzusiga aylangan yoqilg‘i narxining oshishi bugun, 14 noyabr kuni, kechki paytga kelib o‘z cho‘qqisiga yetdi.

Buning sababi esa ijtimoiy tarmoqlarda tarqalgan O‘zbekiston Respublikasi Vazirlar Mahkamasining yoqilg‘i narxlarining oshishi to‘g‘risidagi qaror bo‘ldi.

Ushbu hujjatda benzinning narxi 15 noyabr kunidan boshlab 40 foizga oshishi belgilangan. Qarorning asosli ekani tasdiqlanmagan.

O‘zgarishlarga ko‘ra, AI-80 benzin turining bir litri 3800 so‘m qilib belgilangani aytilgan. 14 noyabr holatiga ko‘ra ushbu turdagi benzin narxi 2800 so‘m edi.

AI-91 rusumidagi benzin narxi 4300 so‘m qilib belgilangani qayd etilmoqda. Bugunga qadar uning narxi 3000 so‘m edi.

Bundan tashqari, boshqa turdagi yoqilg‘i turlarining ham narxlarida o‘sish kuzatilgan ta’kidlangan.

Bundan avvalgi yoqilg‘i narxlarining oshishi 2016 yilning 23 oktyabrida kuzatilgan edi. Benzin narxlari 23 oktabr soat 00:00 dan boshlab quyidagi narxlarda sotilgan edi.

1 litr Ai-80 markadagi avtobenzin uchun – 2800 so‘m;

1 litr Ai-91, AI-92, Ai-93 markadagi avtobenzinlar uchun – 3000 so‘m;

1 litr Ai-95 markadagi avtobenzin uchun – 3300 so‘m.

2016 yilning 1 yanvarida oshirilgan avtobenzin narxlariga nisbatan Ai-80 725 so‘mga, Ai-91 esa 720 so‘mga oshirilgan edi.

Zohirshoh Jo‘raev