O‘zbekistonda dollar kursi rasman 5 so‘m 96 tiyinga qimmatlashdi
O‘zbekiston Markaziy banki 2015 yil 7 apreldan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun joriy etish maqsadida xorijiy valyutalarning so‘mga nisbatan yangi qiymatlarini belgiladi.
Unga ko‘ra, 1 AQSh dollari bir hafta oldingi kursga nisbatan 5 so‘m 96 tiyinga qimmatlashib, 2 ming 496 so‘m 16 tiyinni tashkil etdi.
O‘tgan haftada ko‘tarilishga erishgan yevro yangi haftada yana arzonlashdi. 7 apreldan boshlab boshlab 1 yevro 9 so‘m 80 tiyinga arzonlashib, qiymati 2 ming 706 so‘m 96 tiyinga teng bo‘lib turibdi.
Joriy hafta Rossiya rubli so‘mga nisbatan yana qimmatlashdi. 1 Rossiya rubli yangi kursga ko‘ra, 84 tiyinga qimmatlashib, 43 so‘m 98 tiyinga teng bo‘lib turibdi. Bir hafta avval 1 rubl miqdori 43 so‘m 14 tiyinni tashkil qilayotgan edi.
Ma’lumot o‘rnida ta’kidlash joiz, valyuta qiymatini belgilash chog‘ida Markaziy bank mazkur valyutalarni ushbu qiymatda sotish yoki sotib olish majburiyatini olmagan.
Ayol Qalbi - True Love
O‘zbekistonda dollar kursi rasman 5 so‘m 96 tiyinga qimmatlashdi 
