O‘zbekistonlik paralimpiyachilar Rioda 6 ta jahon, 7 ta Paralimpiada, 12 ta Osiyo rekordini o‘rnatdi
Rio—2016 Paralimpiadasida 32 nafar sportchi bilan ishtirok etgan O‘zbekiston delegatsiyasi tarixiy natija qayd etgani haqida MOQ matbuot xizmati Telegram kanalida ma’lumot berdi.
Sportchilar soniga nisbatan qo‘lga kiritilgan medallar soni bo‘yicha O‘zbekiston delegatsiyasining natijasini hozirga qadar dunyoning birorta mamlakati qayd etgan emas. 32 nafar sportchi bilan 31 ta medalning qo‘lga kiritilishi — sportchilar va ularning soniga nisbatan medallar ko‘rsatkichi bo‘yicha Paralimpiada tarixidagi eng yaxshi natija ekani MOQ xabarida qayd etib o‘tilgan.
Bundan tashqari bitta Paralimpiadaning o‘zida O‘zbekiston sportchilari 6 ta jahon, 7 ta Paralimpiada va 12 ta Osiyoni rekordini o‘rnatgani e’tirof etilgan.
O‘zbekistonlik paralimpiyachilar Rioda 6 ta jahon, 7 ta Paralimpiada, 12 ta Osiyo rekordini o‘rnatdi 
